Kurti pret ambasadorin e ri turk: Turqia, partner i dëshmuar i Kosovës

Kryeministri Albin Kurti ka pritur në takim, ambasadorin e ri të Republikës së Turqisë, Sabri Tunç Angili.

Kurti në këtë takim shprehu mirënjohje për ndihmën dhe kontributin e dhënë Kosovës nga populli dhe shteti turk, si mik e partner i dëshmuar i popullit dhe Republikës së Kosovës.

Ai shprehur gjithashtu më të thella ambasadorit për viktimat e tërmetit që e goditi Turqinë duke shtuar se Kosova është pranë Republikës së Turqisë dhe popullit turk, dhe mbi bazën e kapaciteteve të saj, me Forcën e Sigurisë së Kosovës, Policinë e Kosovës, Agjencinë për Menaxhimin e Emergjencave dhe ekipet mjekësore, kanë ndihmuar në këtë kohë të vështirë.

Ndërsa Angili u shpreh falënderues për mikpritjen në Kosovë.

“Shprehu mirënjohjen e thellë për ndihmën e Republikës së Kosovës dhënë institucioneve dhe popullit turk në rajonet e goditura nga tërmeti shkatërrues”, tha ambasadori turk.

Në këtë takim u bisedua për mundësitë e zgjerimit të mëtejmë të bashkëpunimit bilateral, veçanërisht në ekonomi, siguri, mbrojtje dhe kulturë.