Kurti: Liberalizimi i vizave na sjell një hap më pranë Bashkimit Evropian

Kryeministri i vendit, Albin Kurti ka falënderuar eurodeputetët e Parlamentit Evropian (PE) për mbështetjen që ia dhanë Kosovës për liberalizimin e vizave.

Kurti përmes një postimi në rrjetin social Twitter ka shkruar se ky është një hap i rëndësishëm për vendin, pasi siç tha ai Kosova tash është më pranë Bashkimit Evropian (BE).

“Lajm i mirë për Kosovën sot! Parlamenti Evropian miratoi udhëtimin pa viza për qytetarët tanë duke filluar nga 1 janari 2024. Kjo na sjell një hap të rëndësishëm më pranë Bashkimit Evropian dhe duke kontribuar në pasurinë që ofron BE. Faleminderit eurodeputetëve për mbështetjen e tyre”, ka shkruar Kurti.

Great news for Kosova today! The European Parliament approved visa-free travel for our citizens starting January 1st, 2024. This brings us an important step closer to the European Union and contributing to the richness that the EU offers. Thank you to the MEPs for their support. pic.twitter.com/XJK6NMmFcV

— Albin Kurti (@albinkurti) April 18, 2023

Me votimin pro liberalizimit të vizave për Kosovën nga Parlamenti Evropian kjo çështje është përmbyllur dhe të mërkurën e 19 prillit do të jetë ceremonia për nënshkrimin e Aktit ligjor.

Në ceremoni do të marrin pjesë edhe presidentja e Parlamentit Evropian, një përfaqësues i presidencës suedeze të Këshillit të Bashkimit Evropian.

Institucionet e BE-së kanë rënë dakord që kërkesa për të mos pasur viza për kosovarët do të zbatohet nga data e fillimit të funksionimit të Sistemi Evropian i Informacionit dhe Autorizimit për Udhëtimet (ETIAS) dhe në çfarëdo rasti, jo më vonë se 1 janari 2024.