Lajme

Kurti: Javën tjetër i bëjmë një vit e gjysmë si Qeveri, kemi kaluar 150 projektligje dhe miratuar 87 sosh

Kryeministri i vendit, Albin Kurti,

Kryeministri i vendit, Albin Kurti, ka folur për të arriturat e Qeverisë së tij në mbledhjen e 96-të të mbajtur sot.

Ai ka thënë se javën e ardhshme shënojnë një vit e gjysmë të qeverisjes, sipas tij demokratike e progresive.

“Në javën e ardhshme shënojmë një vit e gjysmë të qeverisjes sonë demokratike e progresiste. Kthesa që kemi marrë drejtë zhvillimit të shoqërisë nuk mund të jetë e qëndrueshme pa sundim të ligjit, siguri juridike e zbatim të të drejtave të njeriut”.

Ai tha se gjatë kësaj kohë ata kanë kaluar 150 projektligje dhe miratuar 87 sosh.

“Për të jetësuar ndryshimin e mirëfilltë demokratik vëmë theks mbi rendin dhe ligjin. Në vetëm 1/3 e mandatit kemi kaluar mbi 150 projektligje ndërkaq në gjysmën e parë të këtij viti janë miratuar 87 sosh në Kuvendin e Republikës. Këtë javë ka rifilluar punën Kuvendi ku nesër do ta kemi seancën e parë të sesionit vjeshtor dhe urojmë që ky sesion të jetë edhe më i suksesshëm”.

Mes tjerash, Kurti thotë se të gjitha këto korrespondojnë me vullnetin ndaj fuqizimit të shtetit.

“Shifrat korrespondojnë me vullnetin dhe kontributin ndaj fuqizimit të shtetit mbi parimet më të mira që mbrojnë të drejtat e liritë themelore dhe pamundësojnë shmangien nga zbatimi i ligjit. Përmes projektligjeve të miratuara kemi fuqizuar mekanizmat për luftimin e krimit dhe korrupsionit nëpërmjet reformës në Këshillin Prokurorial, deklarimin më efikas dhe transparent të pasurisë, potencimin e rolit parandalues të Agjencisë Kundër Korrupsionit dhe inicimit të konfiskimit të pasurisë së pajustifikueshme. Përmes projektligjeve të miratuara kemi luftuar krimin dhe korrupsionin dhe kemi ngritur llogaridhënien ndaj qytetarit me miratimin e shumë projektligjeve.”

Ai më tej ka thënë se përveç vettingut si reformë në drejtësi, po vazhdojmë me temat që kanë të bëjnë me çështje sociale./SHQIP.com

Shqip.com
Çmimet e derivateve në Kosovë Çmimi maksimal i lejuar për secilin produkt të naftës.
  • Dizel: 1.58
  • Benzine: 1.34
  • Gas: 0.75
Sot : 24/09/2022