Kthesa e Trump: SHBA s’do largohen nga NATO, nëse vendet e tjera…

Kandidati republikan për president të SHBA, Donald Trump ka adresuar sërish shqetësimet se do të tërhiqej nga NATO nëse kthehet në Shtëpinë e Bardhë.

Donald Trump tha se SHBA do të qëndrojë në aleancën ushtarake dhe do t’i vijë në ndihmë një anëtari të bllokut nëse ata sulmohen, për aq kohë sa vendet e tjera “luajnë drejt”.

“NATO duhet ta trajtojë SHBA-në me drejtësi, sepse nëse nuk është për Shtetet e Bashkuara, NATO fjalë për fjalë as nuk ekziston”, tha Trump për GB News.

Kujtojmë se Trump më parë shkaktoi polemika kur tha se do të lejonte Rusinë të bënte “çfarëdo dreqin të donte” për çdo vend të NATO-s që nuk përmbush kriteret e shpenzimeve të mbrojtjes.

Sipas nenit 5 të traktatit të anëtarësimit të NATO-s, ata brenda aleancës janë të detyruar të ndihmojnë vendet e tjera anëtare nëse sulmohen nga një komb armiqësor.

Kur u pyet nëse SHBA nën udhëheqjen e tij të ardhshme të mundshme do ta përmbushin këtë angazhim, Trump tha: “Po. Por ju e dini, Shtetet e Bashkuara duhet të paguajnë pjesën e duhur, jo pjesën e drejtë të të gjithëve. Ne kemi një oqean në mes të disa problemeve… ne kemi një oqean të madh, të bukur, NATO është më e rëndësishme për vendet evropiane, ata do të përfitojnë.”