Kryeministri australian Albanese takon presidentin amerikan Joe Biden

Kryeministri i ri i Australisë, Anthony Albanese ka takuar presidentin e ShBA-ve, Joe Biden.

Takimi u realizua gjatë samitit “Quad” i cili po mbahet aktualisht në Tokio të Japonisë.

Përmes një postimi në Tëitter, Albanese është shprehur i lumtur për takimin me të parin e Amerikës dhe se bashkëpunimet mes tyre do të jenë shtyllë e re e aleancës.

Great to meet @POTUS today to reaffirm the warm friendship between our two nations based on our shared values. We discussed AUKUS, working together with regional partners, and making comprehensive action on climate change a new pillar of our Alliance. pic.twitter.com/vEB9UY0cuo

— Anthony Albanese (@AlboMP) May 24, 2022

”E mrekullueshme të takoj Presidentin Joe Biden për të riafirmuar miqësinë e ngrohtë mes dy shteteve tona që bazohet në vlerat tona të përbashkëta. Diskutuam AUKUS-in, duke punuar së bashku me partnerët rajonalë dhe duke e bërë veprimin gjithëpërfshirës mbi ndryshimin e klimës një shtyllë të re të Aleancës sonë”, shkroi Anthony Albanese.

Ai takoi edhe liderin e Japonisë dhe atë të Indisë.

Katër udhëheqësit e ‘Quad’-it përfunduan samitin e sotëm me një deklaratë të përbashkët ku u zotuan në “përkushtimin e tyre të palëkundur për një Indo-Paqësor të lirë dhe të hapur që është gjithëpërfshirës dhe fleksibil”.

Përndryshe, Albanese është me prejardhje shqiptare pasi babai i tij ishte abëresh që jetonte në Itali, kurse nëna është me origjinë irlandeze. /Shqip.com