Lajme Botë

Krizë e madhe, fondi i pensioneve në Suedi humb rreth dy miliardë euro

Fondi pensional "Alecta" në Suedi / Bloomberg

Fondi më i madh i pensioneve në Suedi, Alecta, humbi dy miliardë dollarë për shkak të dështimit të bankave amerikane.

Shefi ekzekutiv i fondit, Magnus Billing, tha se shkalla e humbjeve ishte bërë më e dukshme pasi grupi privat i pensioneve shiti të gjitha aksionet në First Republic Bank, me një humbje prej 7.5 miliardë korona (725 milionë euro).

Ai tha se investimet në bankat amerikane ishin “një dështim i madh”.+

Siç u përmend, Alecta po përballet me humbje prej afro 2 miliardë euro për shkak të një strategjie të dështuar investimesh që e ka bërë atë një nga aksionerët më të mëdhenj në dy banka të dështuara amerikane dhe një tjetër të përfshirë në krizën e vazhdueshme bankare.

Ai gjithashtu shton humbjet e pritshme prej 860 milionë euro dhe 309 milionë euro në Silicon Valley Bank dhe Signature Bank.

Siç u tha, Alecta është mjaft e madhe për të përballuar humbjet që nuk do të prekin 2.6 milionë suedezët, kursimet private të të cilëve janë investuar në fond, raporton bloomberg.

Megjithatë, lajmi shkaktoi një protestë publike në Suedi, veçanërisht sepse Alecta kohët e fundit braktisi aksionet e saj në dy huadhënës vendas – Svenska Handelsbanken AB dhe Svedbank AB, dhe zgjodhi të investojë në bankat amerikane.

/Shqip.com