Kritikat për zërin e Luizit, Elgit Doda ka një përgjigje

Kënga që Luizi i dedikoj Kiarës, është pëlqyer qysh në momentet e para të publikimit.

Kënga ka mbledhur një numër të madh të klikimeve dhe deri tani ka marrë mbi 2 milionë shikime.

I ftuar sot në emisionin “Pardon My French” nëpërmjet një lidhjeje telefonike, producenti i njohur, Elgit Doda ka zbuluar shumë nga kënga.

Natyrshëm na lind pyetja se nëse e kishte takuar Luizin në dhomën e rrëfimit dhe tregoi edhe problemin që kishte zëri i tij, i cili është komentuar po aq sa kënga.

“Unë kam shkuar tek dhoma e rrëfimit vetëm kur i kam marrë zërin. Çështja është që Luizi ndoshta nga cigarja e tepërt dhe abuzimi pak aty brenda ka pasur pak zërin e çjerrë dhe e gjithë gjëja është që mua mu desh që t’ia merrja këngën shumë shpejt. Ai ka bërë prova me veten e tij por pa më pasur mua aty dhe zëri ka qenë për t’u marrë shumë shpejt.”