Krasniqi takohet me Varhelyi në Bruksel, flasin për integrimin evropian të Kosovës

Kryetari i Partisë Demokratike të Kosovës (PDK), Memli Krasniqi, në Bruksel ka takuar edhe Komisionerin e Bashkimit Evropian për Fqinjësi dhe Zgjerim, Oliver Varhelyi, me të cilin tha se diskutoi për integrimin evropian të Kosovës.

Krasniqi tha se për qytetarët e Kosovës është e rëndësishme kjo dhe se për partinë që ai udhëheq është vizioni dhe misioni i saj.

“Bashkë diskutuam për procesin e integrimit evropian të Kosovës dhe rëndësinë që shteti ynë të mos lihet mbrapa në këtë proces. Për shtetin dhe qytetarët tanë, është tejet e nevojshme që perspektiva evropiane të jetë e qartë dhe e prekshme. Për PDK-në, anëtarësimi i Kosovës në Bashkimin Evropian dhe institucionet euro-atlantike, është vizioni, misioni dhe rruga e vetme përpara”.

Për këtë takim me Krasniqin ka shkruar edhe Varhelyi në rrjetin social X.

Ai tha se në takim me të ka përmendur normalizimin e marrëdhënieve të Kosovës me Serbinë si thelbësore.

“Diskutuam me kryetarin e PDK-së Memli Krasniqi të ardhmen e Kosovës në rrugën e saj drejt BE-së. Normalizimi i marrëdhënieve me Serbinë është thelbësore për të mundësuar përparimin. Situata në veri të Kosovës duhet të zgjidhet me prioritet”, tha Varhelyi.

Discussed with PDK Chairman @MemliKrasniqi the way forward for #Kosovo on its EU path.

Normalisation of relations with #Serbia is essential to enable progress.

The situation in North of Kosovo needs to be solved as a matter of priority. pic.twitter.com/t8nzZ8cv7W

— Oliver Varhelyi (@OliverVarhelyi) November 16, 2023