Krasniqi-Kurtit: Pse po frikësohesh, hajde dalim në zgjedhje

Kryetari i Partisë Demokratike të Kosovës (PDK), Memli Krasniqi, i ka kërkuar kryeministrit të vendit, Albin Kurti, që të dalin në zgjedhje.

Krasniqi në Pressing të T7, ka deklaruar se nëse Kurti nuk del në zgjedhje atëherë duhet të tregojë ”pse po frikësohet nga zgjedhjet”.

“Albin Kurti nëse mendon që populli është me ty hajde shkojmë zgjedhje, nesër, masnesër është vonë – hajde matum zotëri. Ty nuk të kanë votu njerëzit për me iu prish krejt drejtimin që kanë investu gjnerata e gjenerata që është orientimi euro-perëndimor, për njerëzit që iu ke premtu diçka e ju ke sjellë diçka krejt tjetër“, ka thënë Krasniqi.

Tutje, ai ka folur edhe për presidenten e Kosovës, Vjosa Osmani, duke thënë se nuk është duke e luajtur rolin e saj si presidente.

Ai tha se posti i presidentes nuk është për t’u shëtitur botën, por për ta luajtur rolin e saj sidomos në kësisoj situatash.