KQZ-ja shpall rezultatet përfundimtare të balotazhit për kryetarë të komunave, s’përfshihet Dragashi

Komisioni Qendror i Zgjedhjeve këtë të shtunë ka shpallur rezultatet përfundimtare të raundit të dytë zgjedhjeve të mbajtura më 14 nëntor për kryetarë të komunave, përveç për Komunën e Dragashit.

Partitë politike mund të paraqesin ankesa brenda 24 orëve në Panelin Zgjedhor për Ankesa dhe Parashtresa (PZAP) sa i përket shpalljes së rezultateve.

PZAP-ja gjatë ditës së premte ka vendosur që t’i anulojë votat e diasporës për komunën e Dragashit, pas ankesës së kandidatit të Partisë Demokratike të Kosovës për kryetar të kësaj komune se ato ishin të manipuluara.

PZAP-ja ka urdhëruar Komisionin Qendror të Zgjedhjeve që fletëvotimet e anuluara të mos i përfshijë në rezultatin përfundimtar të zgjedhjeve, të mbajtura më 14 nëntor.

Ndërkohë, këta janë kryetarët e rinj të 20 komunave të balotazhit, sipas rezultateve përfundimtare të KQZ-së:

Gjakovë – Ardian Gjini (AAK) me 55,97% të votave

Drenas – Ramiz Lladrovci (PDK) me 54,16% të votave

Gjilan – Alban Hyseni (LVV) me 51,10% të votave

Istog – Ilir Ferati (LDK) me 56.16% të votave

Kaçanik – Besim Ilazi (PDK) me 53,91% të votave

Klinë – Zenun Elezaj (AAK) me 55,16% të votave

Fushë-Kosovë – Burim Berisha (LDK) me 65,45% të votave

Kamenicë – Kadri Rahimaj (LVV) me 53.34% të votave

Obiliq Xhafer – Gashi (Iniciativa Qytetare për Obiliq) 63%

Rahovec – Smajl Latifi (AAK) me 65,19% të votave

Podujevë – Shpejtim Bulliqi (LVV) me 52.06% të votave

Prishtinë – Përparim Rama (LDK) me 50,98% të votave

Prizren – Shaqir Totaj (PDK) me 50.93% të votave

Shtime – Qemajl Aliu (LVV) me 50,67% të votave

Viti – Sokol Haliti (LDK) me 51.44% të votave

Vushtrri – Ferit Idrizi (PDK) me 53,19% të votave

Malishevë – Ekrem Kastrati (NISMA) me 53,10% të votave

Junik – Ruzhdi Shehu (LDK) me 53,80% të votave

Mamushë – Abdulhadi Krasniq (Kosova Demokratik Turk Partisi) me 63,19% të votave

Kllokot – Vladan Bogdanoviq (Lista Serbe) me 55,12% të votave