KQZ-ja cakton afatet për zgjedhjet në katër komunat veriore

Komisioni Qendror i Zgjedhjeve ka mbajtur mbledhjen e radhës.

Në këtë mbledhje është marrë vendim për caktimin e afateve dhe aktiviteteve lidhur me procesin zgjedhor që pritet të mbahet në katër komunat me shumicë serbe.

Aktivitetet lidhur me procesin zgjedhor priten të nisin me 9 mars ku edhe nis konfirmimi i certifikimit të subjekteve politike dhe kandidatëve të certifikuar gjatë dhjetorit të vitit 2022.

Periudha e regjistrimit të votuesve nis nga data 22 mars.

Zgjedhjet në katër komunat u shtyn për 23 prill pas trazirave të krijuara në veri të vendit.