Kosova U20 rrëmben fitoren e parë
Kombëtarja e Kosovës në basketboll ka arritur të shënoj fitoren e parë në FIBA Kampionatin Evropian, Divizioni B për meshkuj U20.
Kosova U20 mposhti Austrinë me rezultat 79:72.
Vetëm pesë minutat e parë të ndeshjes ishin të barabartë dhe më pas Dardanët shkëputen, duke e fituar çerekun e parë 25:10.
Periudha e dytë ishte e baraspeshuar deri në fund, kur austriakët shënuan pesë pikë radhazi për të shkuar në pushim me shifrat 41:32.
Basketbollistët e rinj të Kosovës në periodën e tretë ngritën epërsinë në 17 pikë, 50:33, që ishte më e larta në këtë sfidë, por rezultati në semafor pas 30 minutash ishte 58:47.
Ndeshje interesante u zhvillua deri në fund, ku Austria ngushtoi rezultatin në 75:72, por Kosova ishte më e vëmendshme, duke triumfuar 79:72, që ishte fitorja e parë në grupe pas tri humbjeve, duke përfunduar në vendin e katërt, ndërsa Austria numëron katër humbje, duke u renditur e fundit apo e pesta.
Te Kosova u dalluan Don Polloshka me 18 pikë e 11 asistime, Bardh Istrefi me 17 pikë e dhjetë kërcime, Visar Ejupi me 12 pikë dhe tetë kërcime, si dhe Donat Rexhepi me 16 pikë./Shqip.com
Kosova ndeshjen e ardhshme e zhvillon të premten ndaj Rumanisë, nga ora 12:30./Shqip.com