Kosova deklasohet në stadiumin “Fadil Vokrri”
Shqip
Edhe një humbje.
Përfaqësuesja e Kosovës është mposhtur me rezultat të thellë 1-6 nga Belgjika, në kuadër të kualifikimeve për Kampionatin Botëror.
Vashat dardane ishin vendase, por kjo nuk i ndihmoi që të regjistronin ndonjë rezultat pozitiv.
Katër gola për skuadrën mysafire i realizoi Tessa Wullaert, teksa nga një herë shënuan Marie Minnaert dhe Tine De Caigny.
Në anën tjetër, për Kosovën – golin e nderit e realizoi Erëleta Memeti.
Pas kësaj humbje, Kosova mbetet në vendin e pestë të Grupit B, me vetëm katër pikë të grumbulluara.
Deri më tani – dardanet kanë arkëtuar vetëm një fitore, kurse janë mposhtur gjashtë herë dhe kanë një barazim.
Teksa, Belgjika është në vendin e dytë – me 19-të pikë.
Lider i këtij grupi mbetet Norvegjia, e cila nuk është njoftuar ende me humbje./Shqip.com
