Korrupsioni në Parlamentin Evropian, lirohet Eva Kaili

Ish-eurodeputetja greke, Eva Kaili, e akuzuar për skandalin “Qatargate” është liruar nga regjimi i përgjimit elektronik dhe tashmë është e lirë me kushte kufizuese.

Lajmi është bërë i ditur nga media prototema.gr, sipas te cilës kjo do të thotë se eurodeputetes nuk i kërkohet më të mbajë byzylyk, kusht ky që u vendos me lirimin e saj nga burgu më 14 prill 2023.

Kaili u arrestua për herë të parë më 9 dhjetor, e akuzuar për përfshirje në korrupsion dhe pastrim parash dhe u transferua në burgun Haren, i cili ndodhet në periferi të Brukselit.

Arrestimi i saj nxori në dritë një hetim mbi një skemë që përfshin shuma “të mëdha” parash dhe dhurata “të rëndësishme”, që dyshohet se janë paguar nga Katari dhe Maroku për të ndikuar në politikëbërjen evropiane, shkruan protothema.gr.

Të dy vendet mohojnë çdo akuzë.