Kontrabande me mallra në pikën kufitare në Hodanoc, arrestohet një person
Shqip
Një person është arrestuar nga Policia kufitare në Hodanoc, pasi i njëjti dyshohet se ka kontrabanduar mallra.
Të dyshuarit i janë gjetur gajbe me pemë dhe perime pa dokumente përkatëse.
Këtë e ka bërë të ditur Policia e Kosovës përmes raportit 24 orësh.
“Policia gjatë patrullimit kanë ndaluar një pikap me ngasës të dyshuarin mashkull. Gjatë kontrollit në pikap kanë hasur në disa gajbe-kutia me pemë dhe perime pa dokumente përkatëse që dyshohet të jenë të kontrabanduara”, thuhet në njoftimin e PK-së.
Megjithatë, PK-ja njofton se malli është sekuestruar dhe është dërguar në pikën doganore.
Kurse, për rastin është njoftuar prokurori dhe rasti është në procedura të rregullta./Shqip.com
