Konstatohet dorëheqja e Zoran Zaevit
Publikuar:
(23.12.2021 13:56:03)
Kuvendi i Republikës së Maqedonisë së Veriut konstatoi të enjten dorëheqjen e Zoran Zaevit.
Dorëheqja e kryeministrit tërheq edhe dorëheqjen e gjithë Qeverisë, me çka tani fillon edhe afati kushtetues për zgjedhjen e Qeverisë së re.
Me këtë u pamundësua edhe mbajtja e seancës për pyetjet e deputetëve.
Zaev dha dorëheqjen pas katër vjet e gjysmë në krye të qeverisë, pasi partia e tij nuk shënoi rezultate të mira në raundin e dytë të zgjedhjeve komunale në Maqedoninë Veriore.
Ai vetë e vlerësoi si humbje të madhe rezultatin në këto zgjedhje, me ç’rast u lirua nga pozita e kryeministrit të vendit dhe e kryetarit të partisë.
Me dorëheqjen e Zaevit si i pari i LSDM-së, në vend të tij u zgjodh Dimitar Kovaçevski./SHQIP.com