Komuna e Deçanit: Impianti që ndotë lumin Lumbardhi do të rregullohet se shpejti
Shqip
Në lumin “Lumbardhi” i Komunës së Deçanit ka një ndotje të konsiderueshme të ujit.
Kjo vjen si pasojë e një impianti të ujërave të zeza i cili nuk është funksional plotësisht.
Për Shqip.com, ka folur drejtor i Drejtorisë se Shërbimeve Publike, Mbrojtjes dhe Shpetimt të Komunës së Deçanit, Izet Zenuni.
Zenuni, thotë se ky impiant është mekanik dhe një pjesë e ujërave të zeza përfundon në lum.
“Është një impiant afër lumit Lumbardhi në Deçan i cili është i vendosur aty. Nuk e bënë pastrimin komplet sepse është një impiant mekanik. Ky impiant edhe pse pjesën më të madhe e mbanë, por prapë se prapë uji përfundon i ndotur në lum”, tha Zenuni.
Megjithatë, ai shtoi se Komuna e Deçanit është në proces të rregullimit të impiantit për kanalizimin.
“Komuna ka ndarë një shumë të mjeteve për rregullimin e impiantit dhe jemi në proces të atij projekti”.
Po ashtu, Zenuni tha se beson që brenda muajit do të hapet tenderi për rregullimin e impiantit për fshatrat që derdhin ujërat e zeza afër Lumbardhit./Shqip.com
