Kompany e dëshiron Muricin në Burnley

Burnley po kërkon të arrijë një marrëveshje për të nënshkruar me portierin, Arijanet Muric nga Manchester City.

Sipas, Athletic nuk ka marrëveshje deri më tani, por Burnley është i prirur të nënshkruajë me 23-vjeçarin kosovar dhe bisedimet janë në vazhdim.

Adana Demirspor, të cilën Muric e përfaqësoi në huazim sezonin e kaluar, gjithashtu ka shprehur interes për ta mbajtur atë përgjithmonë.

Muric ka qenë në City që nga viti 2015, por ka luajtur vetëm pesë ndeshje për kampionët në fuqi të Premier League, me të gjitha paraqitjet në Carabao Cup.

Ai ka kaluar disa sezone në formë huazimi dhe ka luajtur katër herë në Championship për Nottingham Forest në sezonin 2019-2020, më së fundi duke luajtur për Demirspor në Super Ligën Turke.

Burnley ka nënshkruar tashmë një lojtar nga City këtë verë, duke njoftuar për ardhjen e mbrojtësit CJ Egan-Riley nga klubi në një marrëveshje trevjeçare të premten.

Egan-Riley u bë nënshkrimi i tretë i Burnley-t këtë verë, pas Scott Twine dhe Luke McNally në Turf Moor.

Athletic raportoi në fillim të kësaj jave se Burnley ishte gjithashtu duke eksploruar nënshkrimin e mbrojtësit të Cityt, Taylor Harwood-Bellis në huazim.

Burnley, i cili drejtohet nga ish-kapiteni i Cityt, Vincent Kompany, po përgatitet për sezonin e parë të kthimit në Championship pas rënies së tyre nga Premier League sezonin e kaluar./Shqip.com