Kompanitë gjermane paralajmërojnë rritje të çmimeve

Një numër në rritje i kompanive gjermane po planifikojnë të rrisin çmimet e tyre, tha të mërkurën Instituti Ekonomik Ifo, duke shtuar se kjo do të nënkuptojë se inflacioni nuk do të ftohet.

Siç raporton Reuters, Ifo tha se indeksi i pritjeve të çmimeve për muajt e ardhshëm qëndroi në 53.5 pikë në shtator, nga 48.1 në gusht.

“Për fat të keq, kjo ndoshta do të thotë se vala e inflacionit nuk do të zbutet,” thotë Timo Ëollmershaeuser, kreu i parashikimeve në ifo.

Çmimet e konsumit gjerman, të harmonizuara për t’i bërë ato të krahasueshme me të dhënat e inflacionit nga vendet e tjera të Bashkimit Evropian (IHÇK), u rritën me 10.9% në vit në shtator. Kjo e vendosi inflacionin në nivelin më të lartë në më shumë se një çerek shekulli./Shqip.com