Kombëtarja e femrave fiton padinë përballë Federatës amerikane

Kombëtarja e Amerikës në kategorinë e femrave ka arritur marrëveshjet me Federatën amerikane, për zgjidhjen e padisë.

Kombëtarja e femrave paditi federatën, për shkak të ndryshimeve të mëdha në pagat te futbolli i femrave dhe ai i meshkujve.

Marrëveshja përfundimtare u arrit të martën, ku federata ra dakord të paguajë mbi 22 milionë euro për 28 lojtarët që i paditën Shtet e Bashkuara të Amerikës.

Federata e Amerikës po ashtu do të hap një fond, ku do të deponohen mbi dy milionë euro për t’i ndihmuar lojtarët pas karrierës.

US Soccer përmes një deklarate në faqen e saj zyrtare e ka konfirmuar se kanë arritur marrëveshje për paga të barabarta.

Sulmuesja e kombëtares amerikane, Megan Rapinoe ka thënë se kjo është një fitore shumë e madhe.

“Ne jemi shumë të lumtur. Ne mendojmë se kjo është një fitore e madhe. Është sinqerisht një lajm jo real. Më duket se duhet të bëj një hap prapa. Unë mendoj se sinqerisht nuk e kuptoj as se sa monumentale është kjo”, tha ajo.

Kombëtarja amerikane është një nga skuadrat më të suksesshme në kategorinë e femrave.

Ato kanë fituar katër herë Kupën e Botës dhe tri medalje të arta olimpike./Shqip.com