Kombëtares i bashkohen edhe dy lojtarë, kompletohet grupi për ndeshjen me Moldavinë

Kristjan Asllani dhe Jasir Asani janë dy lojtarët e fundit që kompletojnë grupin e Kombëtares së Shqipërisë.

Pas finales së Champions, mesfushori i Inter udhëtoi menjëherë drejt Shqipërisë, për t’u vendosur në urdhrat e trajnerit Silvinho.

Edhe Jasir Asani mbylli angazhimet me skuadrën e tij në Korenë e Jugut, për të qenë në dispozicion të përfaqësueses.

Plotësimi i ekipit me 26 lojtarët e grumbulluar, ka bërë që kuqezinjtë të nisin fazën finale të përgatitjeve për ndeshjen e 17 qershorit me Moldavinë.

Tre ditë më pas Kombëtarja do të luajë në transfertën me Ishujt Faroe.