Komandanti i KFOR-it vizitë në Beograd, bisedohet për zhvillimet në Ohër

Komandanti i KFOR-it, Michele Ristuccia, është takuar me shefin e Shtabit të Përgjithshëm të Forcave të Armatosura Serbe, gjeneral Milan Mojsilovic, në Beograd.

Qëllimi i takimit thuhet të ketë qenë për biseda rreth implikimeve të sigurisë sa i përket zhvillimeve pas Marrëveshjes së Ohrit.

Kështu ka shkruar faqja zyrtare e KFOR-it përmes rrjetit Twitter.

“Komandanti i KFOR, MG Angelo Michele Ristuccia, u takua me shefin e Shtabit të Përgjithshëm të Forcave të Armatosura Serbe, gjeneral Milan Mojsilovic, në Beograd. Ata diskutuan për implikimet e sigurisë të rezultateve pozitive të takimit të Ohrit më 18 mars dhe konsoliduan bashkëpunimin e tyre”, shkruhet në cicërimën e postuar në Twitter.

#KFOR Commander, MG Angelo Michele Ristuccia, met w/ the Chief of Serbian Armed Forces General Staff, Gen. Milan Mojsilovic, in Belgrade. They discussed the security implications of the positive outcomes of the #Ohrid meeting on 18 March and consolidated their cooperation. pic.twitter.com/kKUC7bOHT1

— NATO Kosovo Force – KFOR (@NATO_KFOR) March 21, 2023