Kina heq rregullat e rrepta të COVID-19 pas protestave

Kina po heq politikat e saj më të ashpra për Covid – përfshirë detyrimin e njerëzve në kampe karantine – vetëm një javë pas protestave historike kundër kontrolleve të rrepta.

Njerëzit me Covid tani mund të izolohen në shtëpi dhe jo në objektet shtetërore nëse kanë simptoma të lehta ose aspak.

Ata gjithashtu nuk kanë më nevojë të tregojnë teste për shumicën e vendeve dhe mund të udhëtojnë më lirshëm brenda vendit.Qytetarët janë shprehur të lehtësuar por edhe të shqetësuar për ndryshimet e papritura.

Ndryshimet gjithëpërfshirëse tregojnë se Kina më në fund po largohet nga politika e saj zero-Covid dhe po kërkon të “jetojë me virusin” si pjesa tjetër e botës.

Kjo vjen pasi vendi po përballet me valën e tij më të madhe të infeksioneve – mbi 30,000 çdo ditë.

Deri më tani, Kina i kishte detyruar njerëzit me Covid dhe këdo që ishte në kontakt të ngushtë të shkonin në kampe karantine. Kjo politikë kishte qenë thellësisht jopopullore sepse ndau familjet dhe largoi njerëzit nga shtëpitë e tyre, raporton BBC.

Disa nga qendrat u raportuan gjithashtu se kishin kushte të këqija jetese dhe staf joadekuat.