KFOR-i i largon barrikadat në Jarinjë
Publikuar:
(05.01.2023 11:42:48)
Njësitet e misionit ushtarak të NATO-s në Kosovë, gjatë ditës së sotme i kanë larguar barrikadat në Jarinjë, tek vendi i njohur si “Përroi i Zhazhës”.
Këto barrikada kanë qëndruar aty tash e një muaj, pasi serbët kishin bllokuar rrugët, në shenjë proteste ndaj arrestimit të ish-policit, Dejan Pantiq.
Rreth largimit të barrikadave nga ana e KFOR-it, gjatë ditës kishte paralajmëruar edhe Policia e Kosovës përmes një njoftimi për media.
Përveç kësaj, policia ka njoftuar se do të asistojnë KFOR-in gjatë largimit të barrikadave në Jarinjë.
/Shqip.com