Kërcënohet me vdekje ambasadori i SHBA në Serbi, Christopher Hill

Një javë më parë ambasadori amerikan në Beograd u sulmua verbalisht nga disa gra protestuese të cilat e quajtën atë “vrasës”.

Ndërsa sot, në qendër të Beogradit është shfaqur një grafit përmes të cilit kërkohet vdekja e ambasadorit amerikan në Serbi, Christopher Hill.

Grafiti “Vdekje për Chripher Hillin” është shkruar në objektin që ndodhet në cep të Bulevardit despoti Stefan dhe Rrugës “Cetinjska”.

Siç shkruajnë mediat serbe, nuk dihet se kush dhe kur e ka shkruar këtë mesazh, por ky është i dyti në serinë e kërcënimeve që i drejtohen ambasadorit amerikan.

Ndryshe, S.B. nga Beogradi është ndaluar dy ditë më parë për kërcënime ndaj ambasadorit Hill.

I arrestuari, siç dyshohet, ka shkruar në rrjetin social “Facebook”, ndër të tjera, “Koha për një goditje të re të Gavrilo Principit direkt në kokën e okupatorit Christopher Hill”.

Atij i është caktuar ndalimi prej 48 orësh.