KB Peja pas fitimit të titullit: Trepça është për çdo lëvdatë, Mitrovica është zemra e Kosovës

KB Peja është kampion i ri i Kosovës, pasi mposhti në finale të play-offit, Trepçën me seri të fitoreve 3-2.

Në ndeshjen e fundit e cila u zhvillua dje në palestrën ”Minatori”, Peja fitoi me rezultat 93-91.

Pas ndeshjes KB Peja ka reaguar përmes një postimi ku ka lavdëruar paraqitjet e Trepçës në finale dhe thotë se Mitrovica është zemra e Kosovës.

Reagimi i potë:

Kështu duken Kampionat, kështu fluturojnë Shqiponjat .

Klubi i Basketbollit Peja ka hasur në shumë probleme, sfida, vështirrësi dhe rreziqe për ta arritur titullin të cilin sonte e kemi fituar. Por të gjithë jemi në dijeni që i ka Peja disa djem, të cilët asnjëherë në këtë jetë nuk do e lejojnë qytetin e tyre në Baltë.

Shfrytëzojmë rastin ta falemnderojmë nga zemra secilin individ, secilën kompani dhe secilin akt i cili pak ose shumë ka ndikuar që KB Peja të stoliset me titullin “Kampion i Kosovës”.

Falemnderojmë lojtarët e ekipit tonë, të cilët djersiten Uniformen më të bukur në botë për tu shpallur Kampion. Ju jeni sonte Shpirti i qytetit të Pejës dhe qytetarëve të saj, sonte është nata juaj, sonte së bashku po krijojmë kujtime të cilat nuk do i harrojmë përgjatë gjithë jetës.

E ku ka si UCF ?? Ku ka si pas ardhësit e Haxhi Zekës ? Ku ka si ajo ushtrri që asnjëherë nuk u dorëzua deri sa i erdhi koha që ta festojë këtë titull. Shijojeni natën tuaj, ju jeni ata që e mbani qytetin tonë gjallë, ju jeni muskuli më i fuqishëm i kthetrave të Shqiponjës.

As se si nuk mund të harrohet @KB Trepça për luftën e fuqishme të cilën zhvilluan në këto ndeshje finale, jeni ekip për çdo lavdatë dhe të jeni të bindur se secili qytetar i Kosovës është i vetdijshëm për këtë. Mitrovica është Zemra e Kosovës. Rivaliteti i jonë në Sport është i pa mohueshëm, por Kosova dhe dashuria për të qëndron gjithmonë mbi rivalitetet e dëshirat tona sportive.

Ju jeni vëllëzërit tonë, faleminderit Mitrovicë .

LE TË VAZHDOJË FESTA, PRITNA PEJË SE ERDHEM !