Kandiq: Rusia do të votojë për anëtarësimin e Kosovës në OKB nëse Serbia i vendos sanksione

Natasha Kandiq, themeluesja e Fondit për të Drejtën Humanitare, ka deklaruar se ambasadori rus në Serbi, Aleksandar Bocan Harchenko, e ka paralajmëruar presidentin serb, Aleksandar Vuçiq rreth vendosjes së sanksioneve ndaj Rusisë.

“Mesazhet e djeshme të ambasadorit rus në Beograd janë më shumë një paralajmërim për Vuçiqin, se Rusia do të votojë për anëtarësimin e Kosovës në OKB nëse Serbia i vendos sanksione…”, ka shkruar Kandiq.

Jučerašnje poruke ruskog ambasadora u Beogradu više su upozorenje @avucic da će Rusija u Savetu bezbednosti glasati za clanstvo Kosova u UN ako Srbija uvede sankcije a ne da će stav Rusije zavisiti od odluke @avucic, kako je rekao.

— Natasa Kandic (@natasakandic) February 10, 2023

Ditën e djeshme, ambasadori rus në Beograd, Harchenko i është përgjigjur pyetjeve se si do të vepronte shteti rus në rast se Serbia i vendos sanksione dhe nëse do të pengonte anëtarësim e Kosovës në Kombet e Bashkuara.

Ai pohoi se për Rusinë, si një anëtare e përhershme e Këshillit të Sigurimit do të jetë i rëndësishëm qëndrimi i qeverisë serbe në raport me Rusinë.