Kadetët e FSK-së mësojnë për betejën e familjes Jashari
Publikuar:
(17.03.2023 18:11:58)
Kadetët e Akademisë Ushtarake të Forcës së Sigurisë së Kosovës kanë nisur studimin fushor.
Me nisjen e këtij studimi, ata u përqendruan në betejën e familjes Jashari, me theks të veçantë në historiografinë, analizën e betejës në rrafshin strategjik, operacional dhe taktik.
“Madhështia, vlera dhe karakteri i luftës, sakrificës dhe flijimi për liri është e kaluara, e tanishmja dhe e ardhmja e filozofisë sonë për edukimin e Oficerëve të rinj”, thuhet në njoftimin në faqen zyrtare të FSK-së.
Dita e studimit, mes tjerash, u udhëhoq duke vendosur analiza dhe detyra konkrete për studentet për të reflektuar nga këndvështrimi ushtarak, detajet dhe historinë e luftimeve të 5, 6 dhe 7 Marsit 1998.
/Shqip.com