Japonia nuk është më ekonomia e tretë më e fuqishme në botë

Ekonomia e Japonisë është tkurrur papritur për shkak të konsumit të dobët të brendshëm, duke e shtyrë vendin në recesion dhe duke e bërë atë të humbasë pozicionin e saj si ekonomia e tretë më e madhe në botë ndaj Gjermanisë.

Produkti i Brendshëm Bruto (PBB) u tkurr me një ritëm vjetor prej 0.4% në tre muajt e fundit të 2023, tha Zyra e Kabinetit, pasi u tkurr me 3.3% në tremujorin e kaluar.

Një recesion zakonisht përkufizohet si dy tremujorë të njëpasnjëshëm të tkurrjes ekonomike.

Rënia ishte shumë më e ulët se parashikimet e tregut. Ekonomistët e anketuar nga Reuters kishin pritur që PBB-ja të rritej me 1.4% vjetore tremujore në muajt tetor-dhjetor.

Të dhënat konfirmojnë se ekonomia e Japonisë ishte e katërta më e madhe në botë pas Gjermanisë në terma dollarë amerikanë vitin e kaluar.

Konsumi privat, i cili përbën gjysmën e ekonomisë ra me 0.9% vjetor në tremujorin e katërt, pasi konsumatorët japonezë luftuan me çmime më të larta për ushqime, karburant dhe mallra të tjera.

Ajo shënon një tremujor të tretë radhazi të rënieve. Japonia importon 94% të kërkesave të saj bazë për energji dhe 63% të ushqimit të saj, kështu që jeni i dobët kontribuon ndjeshëm në një kosto më të lartë jetese, tha për CNN Neil Newman, një strateg me bazë në Tokio në Japanmacro.

Ndërsa monedha vendase, Jeni ka rënë me 6.6% kundrejt dollarit amerikan që nga fillimi i këtij viti, duke e bërë atë një nga performuesit më të keq midis monedhave të përdorura nga Grupi i 10 vendeve të industrializuara.