Japonia e var sulmuesin që vrau shtatë persona më 2008
Shqip
Japonia ka ekzekutuar një burrë 39-vjeçar që vrau shtatë persona në Tokio në vitin 2008 gjatë një sulmi me thikë, kanë raportuar mediat lokale.
Tomohiro Kato kreu një nga vrasjet masive më tronditëse në historinë e fundit të vendit japonez.
Ai ishte 25 vjeç kur futi një kamion në një turmë këmbësorë në kohën e drekës në zonën tregtare Akihabara, duke vrarë tre persona.
Ai goditi kalimtarët me një kamë, duke vrarë katër dhe plagosur tetë, raporton BBC.
Ai u kap nga policia në vendngjarje dhe më vonë pranoi krimet e tij në gjyqin e tij, duke thënë se ishte zemëruar nga bullizmi në internet.
Krimi i tij ndezi shumë debate në shoqërinë japoneze në atë kohë mbi vrasjet e rastësishme, ndikimin në internet dhe dështimet në mbështetjen e shëndetit mendor për të rinjtë.
Të martën, media japoneze raportoi se Kato, tani 39 vjeç, ishte varur në Qendrën e Paraburgimit në Tokio.
Ky është ekzekutimi i parë në vend këtë vit./SHQIP.com
