Janjiq: Serbia e paguan Grenellin 100 mijë dollarë në muaj për lobim

Analisti politik, Dushan Janjiq, deklaroi të hënën se Serbia e paguan me nga 100 mijë dollarë në muaj ish-Emisarin Special për dialogun Kosovë-Serbi, Richard Grenell.

Në emisionin “Linjë e ndryshme e radios” ai tha se Grenelli përfaqëson hapur interesat e Serbisë kudo që e gjen veten, shkruan portali i Malit të Zi, “Antena M”, transmeton Shqip.com.

Sipas tij,  presidenti i Serbisë, Aleksandar Vuçiq, paguan shuma të mëdha për lobim.

“Ne i paguajmë Grenellit 100 mijë dollarë në muaj, nuk e di pse, kur shefi i tij nuk është në pushtet”, tha Janiq, duke shtuar se “Serbia po lobon në një mënyrë të vjetër dhe joproduktive”.

Richard Grenell njihet për qëndrimet e tij pro Serbisë në raport me Kosovën.

Përmes Twitterit në shumë raste ka kritikuar Kosovën, e sidomos kryeministrin Albin Kurti./SHQIP.com