Jamie Redknapp: Anglia nuk pati një Botëror të mirë

Argjentina mundi Francën për të fituar finalen e Kupës së Botës.

Mirëpo Jamie Redknapp beson se Anglia duhet të kishte bërë më mirë se çerekfinalet dhe thotë se çdo trajner i mirë mund të kishte arritur rekordin e Gareth Southgate.

Redknapp e përshkroi fitoren e Argjentinës si finalen më të mirë që ka parë ndonjëherë.

“Unë nuk pajtohem me këtë ndjenjë se Anglia pati një Kupë Bote vërtet të mirë. Arritja në çerekfinale nuk ishte një arritje e madhe dhe nuk mendoj se duhet ta festojmë” thotë Redknapp.

Më tutje Redknapp thotë se Argjentina është një ekip i mirë.

“Kur shikoj Francën dhe Argjentinën në finalen e Kupës së Botës, ju mendoni se mund të ishim ne. Argjentina është një ekip shumë i mirë, por jo jashtë kësaj bote. Lionel Messi u dha atyre një pikë diferencë dhe ishte arsyeja pse ata fituan”, thotë ai.

Nëse shikoni ekipin francez, ishte një nga skuadrat më të dobëta të Francës që kemi parë. Kur luajta me ta në vitin 1998, ata kishin Zinedine Zidane, Emmanuel Petit, Patrick Vieira dhe Didier Deschamps si kapiten – këta ishin lojtarë që mund ta kthenin lojën, ka shtuar Redknapp.

Çdo trajner mund të bëjë atë që ka bërë Southgate, thotë Redknapp.

“Ai ka bërë një punë të mirë, Gareth Southgate. Por ne nuk duhet të mendojmë se nuk ka njeri tjetër atje. Do të ketë shumë menaxherë të mirë që do të bënin një punë po aq të mirë.Çdo trajner i ri, anglez, i Premier League që ia vlente do ta kishte çuar Anglinë në çerekfinale, kur shikoni skuadrat që kemi luajtur”, thotë Redknapp, raporton Skysport.