James nuk po i zgjidh dot problemet e Lakers
LeBron James nuk po mundet ta bartë në supe i vetëm – tërë skuadrën.
Los Angeles Lakers nuk po arrijnë asesi të këndellen.
Lakers janë mposhtur edhe nga Indiana Peacers – në udhëtim, me rezultat 111-104.
Ani pse ishin favoritë në letër, ekipi nga Los Angelesoi nuk arriti asesi të shënonte fitore.
Edhe në këtë takim, i jashtëzakonshëm ishte “King James”, por kjo nuk mjaftoi.
37 vjeçari – shënoi 30 pikë, pesë asistime dhe bëri 12-të kërcime – për të dëshmuar që ende është një nga më të mirët e këtij sporti.
Paraqitje të mirë patti edhe Talen Hortor – Tucker, që kontriboi me 20 pikë, shtatë kërcime dhe dy asistime.
Në anën tjetër, të Peacers më i miri në parket ishte Caris Leavert. Ai shënoi 30 pikë, asistoi dy herë dhe regjistroi tetë kërcime.
Një ndeshje të mirë zhvilloi edhe Domantas Sabonis, i cili arriti të bënte 20 pikë, dhjetë kërcime dhe 12-të asistime.
Deri më tani, Lakers kanë arkëtuar 22 fitore, janë mposhtur 23 herë dhe gjenden në vendin e tetë të Konferencës Perëndimore.
Përkundër fitores, Peacers po kalojnë formë të dobët dhe gjendet në vendin e 13-të – në Konferencën Lindore.
/Shqip.com