Ishulli i Paqësorit hyn në bllokimin e parë që nga fillimi i pandemisë

Kombi i largët ishullor i Kiribati ka hyrë në bllokim pasi pasagjerët në fluturimin e parë ndërkombëtar në 10 muaj rezultuan pozitivë për Covid.

Sipas masave të reja, njerëzve u është thënë të qëndrojnë në shtëpi dhe tubimet shoqërore janë të ndaluara, shkruan BBC, transmeton Shqip.com.

Rreth 36 persona në fluturimin nga Fixhi kanë rezultuar pozitivë. Katër persona janë infektuar me virusin nga transmetimi në komunitet.

Deri javën e kaluar, Kiribati kishte regjistruar vetëm dy raste me Covid, që nga fillimi i pandemisë.

Kiribati është një nga ishujt më të izoluar në botë. Është rreth 5,000 km (3,100 milje) nga kontinenti i saj më i afërt, Amerika e Veriut.

Të martën, qeveria konfirmoi se 36 nga 54 pasagjerët kishin rezultuar pozitivë. Në një postim në Facebook thuhet se të gjithë pasagjerët aktualisht janë duke u monitoruar nga zyrtarët shëndetësorë. .

Të gjithë pasagjerët në fluturim janë plotësisht të vaksinuar, tha qeveria.

Megjithatë, tre anëtarë të ekipit të sigurisë së objektit të karantinës kanë rezultuar pozitivë. Një person tjetër që nuk punon në objekt është infektuar gjithashtu nga virusi, tha qeveria.

Bllokimi hyri në fuqi të shtunën, por nuk është e qartë se sa do të zgjasë.

Nuk dihet se çfarë përqindje e 120,000 njerëzve në vend janë vaksinuar plotësisht./SHQIP.com