Ish-shefi i policisë në Bosnjë e Hercegovinë akuzohet për përdhunimin e grave të ndaluara në një kafene gjatë luftës

Prokuroria e Bosnjës e Hercegovinës ngriti aktakuzë kundër ish-shefit të policisë në Doboj, Andrije Bjelošević, i cili akuzohet për përdhunim si krim lufte, konfirmuar të hënën nga selia e prokurorisë në Sarajevë.

Ai akuzohet se ka ardhur vazhdimisht i armatosur në një objekt ushqimi në zonën e Derventës në vitin 1992 dhe 1993, ku disa gra me kombësi boshnjake që ishin atje për punë të detyruar u ndaluan, raporton mediumi Index.

Prokuroria do t’i vërtetojë pretendimet nga aktakuza duke paraqitur 10 dëshmitarë dhe ekspertë, katër prej të cilëve janë nën masa për mbrojtjen e dinjitetit të tyre. Kjo është aktakuza e dytë që akuzon Bjelosheviqin për krime lufte.

Ai më parë ishte akuzuar për krime lufte në zonën e Doboj, për vrasje, persekutim dhe abuzim të civilëve kroatë dhe boshnjakë. Sipas asaj aktakuze, ai aktualisht po gjykohet së bashku me ish-anëtarin e Presidencës së BiH, Borislav Paravac./Shqip.com