Idrizi deklarohet për rastin e ngacmimit seksual në shkollë

Ferit Idrizi, kryetari i Komunës së Vushtrrisë, është deklaruar për rastin e ngacmimit seksual të një nxënëse nga mësimdhënësi F.K, 63 vjeçar.

Idrizi ka thënë se mësimdhënësi është suspenduar nga shkolla dhe se organet relevante janë duke u marrë me rastin.

Rasti ka ndodhur në shkollën “Anton Zako Çajupi” në komunën e Vushtrrisë.

“Po ka pas një ankesë në shkollën fillore “Anton Zako Çajupi” për një ngacmim seksual nga një mësimdhënës. Unë dje e kam marr ankesën nga prindja e nxënëses dhe sot komisioni disiplinor ka marr vendim dhe e ka suspenduar mësimdhënësin”, ka thënë Idrizi.

Idrizi ka thënë se është njoftuar nga Prokuroria se ndaj të njëjtit është ngritur aktakuzë.