I kërkohet BE-së të ndermarrë masa anti-COVID

Zyra rajonale e Organizatës Botërore të Shëndetësisë për Evropën u bëri thirrje qeverive të ndërmarrin veprime urgjente kundër rritjes së rasteve dhe vdekjeve me COVID-19 në të gjithë rajonin.

Infeksionet në Evropë janë rritur dukshëm.

OBSH paralajmëroi n se një në 10 persona në rajonin evropian të OBSH-së do të ketë një test pozitiv për COVID-19 deri në fund të javës.

Këtu janë sugjerimet e tjera kryesore:

Vaksinimi i detyrueshëm duhet të jetë “zgjidhja e fundit”.

Edhe pse 66.45 për qind e njerëzve në vendet e Bashkimit Evropian janë plotësisht të vaksinuar kundër virusit, shumë qeveri kanë vendosur masa të reja për njerëzit që janë të pavaksinuar në një përpjekje për të inkurajuar më shumë njerëz që të marrin vaksinën kundër COVID-19.

Në Itali, një super leje shëndetësore, që vërteton vaksinimin ose shërimin, nevojitet për të hyrë në kinema dhe restorante në ambiente të mbyllura, ndërsa në Gjermani, të pavaksinuarit janë të kufizuar nga pjesa më e madhe e jetës publike.

Austria, ndërkohë, do të mandatojë vaksinimet nga 1 shkurti në mënyrë që të inkurajojë më shumë njerëz që të marrin vaksinën.

Por Dr Hans Kluge, drejtori rajonal i OBSH-së për Evropën, tha se vaksinat e detyrueshme duhet të jenë “zgjidhja e fundit” dhe se vendet duhet së pari t’u drejtohen komuniteteve.

“Mandatet rreth vaksinimit janë një mjet i fundit absolut dhe i zbatueshëm vetëm kur të gjitha opsionet e tjera të mundshme për të përmirësuar marrjen e vaksinimit janë ezauruar,” tha Kluge. /Shqip.com