I dyshuari për bomba në Lockerbie në paraburgim

Një libian i akuzuar për prodhimin e bombës që shkatërroi fluturimin 103 të Pan Am mbi Lockerbie 34 vjet më parë është në paraburgim në Shtetet e Bashkuara, kanë thënë autoritetet skoceze.

SHBA njoftoi akuzat kundër Abu Agila Masud dy vjet më parë, duke pretenduar se ai luajti një rol kyç në bombardimin e 21 dhjetorit 1988.

Shpërthimi në bordin e Boeing 747 la të vdekur 270 persona.

Ky është incidenti terrorist më vdekjeprurës që ka ndodhur në tokën britanike, raporton BBC.

Të gjithë 259 pasagjerët dhe ekuipazhi në bordin e avionit jumbo-jet i nisur për në Nju Jork nga Londra vdiqën ndërsa 11 persona të tjerë u vranë në Lockerbie kur rrënojat shkatërruan shtëpitë e tyre.