Hoxhaj takohet me Presidentin e sapozgjedhur të Finlandës, Stubb

Ish-ministri i jashtëm i Kosovës, Enver Hoxhaj, gjatë pjesëmarrjes së tij në Konferencën tre-ditore të Sigurisë në Mynih, sot ka takuar edhe Presidentin e ri të sapozgjedhur të Finlandës, Aleksander Stubb.

Nënkryetari i Kuvendit dhe deputet i Partisë Demokratike të Kosovës, Enver Hoxhaj, në ditën e tretë të Konferencës për Siguri në Mynih, takoi Presidentin e sapo zgjedhur të Finlandës Aleksander Stubb, të cilin e falenderoi për miqësinë me Kosovën.

“Kënaqësi e veçantë të takoj dhe bisedoj me Presidentin e sapo zgjedhur të Finlandës, Aleksander Stubb, një lider inspirues dhe një mendje gjeopolitike. E urova për përgjegjësinë e re shtetërore dhe e falenderova për miqësinë me Kosovën !”, ka shkruar Hoxhaj.

Hoxhaj, mëngjesin e sotëm u takuar gjithashtu edhe me Presidentin e Letonisë, Edgars Rinkēvičs, siç u shpreh Hoxhaj, “dikur si ministër i jashtëm i Letonisë, mbeti gjithnjë një mik i Kosovës në secilën përgjegjësi shtetërore që kishte”.

Gjithashtu, mëngjesin e sotëm, Enver Hoxhaj u takua edhe me deputetin e Bundestagut Gunther Krichbaum, me të cilin tha se patën diskutim rreth bashkëpubënimit në mes Kosovës dhe Gjermanisë.

Hoxhaj, ka takuar vetëm gjatë ditës së sotme edhe ministrin e jashtëm të Polonisë, Radosław Sikorski, për të cilin shkroi se ishte personi që ishte vendimtar për njohjen e Kosovës nga Polonia.