Hovenier: Mirëpresim ratifikimin e shpejtë të Kuvendit të Kosovës me MCC

Të gjithë deputetët e pranishëm në Kuvendin e Kosovës gjatë ditës së sotme, kanë votuar për ratifikimin e marrëveshjes për energjinë  në mes Korporatën e Sfidës së Mijëvjeçarit (MCC) dhe Kosovës.

Lidhur më këtë ratifikim, ka reaguar edhe Ambasadori i Shteteve të Bashkuara të Amerikës në Kosovë, Jeff Hovenier.

Ai ka shkruar se e mirëpret ratifikimin e shpejtë të Kuvendit të Kosovës për marrëveshjen me MCC-në.

“Mirëpresim ratifikimin e shpejtë të Kuvendit të Kosovë[email protected] më herët sot me votim unanim. Ky ratifikim, i miratuar brenda 24 orëve nga nënshkrimi i Kompaktit, na mundëson të fillojmë të punojmë drejt përshpejtimit të së ardhmes së qëndrueshme dhe të besueshme energjetike të Kosovës”, ka shkruar Hovenier.

Welcome the Kosovo Assembly’s quick ratification of the @MCCgov Compact earlier today by unanimous vote. This ratification, approved within 24 hours of the Compact signing, enables us to begin to work towards accelerating Kosovo’s sustainable and reliable energy future. https://t.co/2mSKUHE5jF

— Ambassador Jeff Hovenier (@USAmbKosovo) July 28, 2022

Lidhur më këtë ratifikim ka reaguar edhe kryeministri i Kosovës, Albin Kurti.

Kryeministri i Kosovës, Albin Kurti, ka thënë se kur vije puna për progresin e Kosovës dhe ndihmën e Shteteve të Bashkuara të Amerikës nuk vijnë në shprehje dallimet pozitë opozitë.

Përmes një postimi në Facebook, Kurti tha se ratifikimi i marrëveshjes është bërë pa kaluar një ditë nga nënshkrimi i saj.

“Nuk ka pozitë e opozitë për progresin e Kosovës dhe ndihmën e SHBA-ve. Ende pa u bërë 2/3 e një dite të vetme pas nënshkrimit të marrëveshjes në Ëashington DC, Kuvendi i Kosovës i kaloi 2/3 e deputetëve duke e ratifikuar atë sot”, shkroi Kurti.

Kurti po ashtu falënderoj të gjithë deputetët që votuan për ratifikimin e kësaj marrëveshje./Shqip.com