Hidhen vezë në drejtim të mbretit Charles

Një burrë është arrestuar nga Policia në Mbretërinë e Bashkuar pasi ka hedhur vezë në drejtim të Mbretit Charles dhe gruas së tij mbretëreshës Camillia.

Pamjet në rrjetet sociale treguan katër vezë që fluturonin para monarkut britanik dhe gruas së tij dhe u përplasën në tokë gjatë një ceremonie tradicionale në Anglinë Veriore.

Charles, i cili erdhi në fron në shtator pas vdekjes së nënës së tij, Mbretëreshës Elizabeth, është në një turne dy-ditor në Anglinë veriore. Ai më vonë zbuloi një statujë për nënën e tij të ndjerë në York, e cila ishte planifikuar të shënonte vitin e saj të 70-të në fron.

“Tani, siç e kemi dëshmuar, me trishtim të madh, kalimin e atij mbretërimi, ai është zbuluar në kujtesën e saj, si një tribut për një jetë të shërbimit dhe përkushtimit të jashtëzakonshëm,” tha ai, raporton Reuters

Incidenti në York nuk ishte hera e parë që mbretërorët përballen me një protestë të tillë. Vezët u hodhën gjithashtu në makinën mbretërore të Elizabetës në vitin 2022 kur ajo vizitoi Nottinghamin dhe protestuesit anti-britanikë hodhën vezë drejtë Charlesit gjatë një shëtitje në Dublinin qendror në vitin 1995.