Hetemi dhe Atiq shtrëngojnë duart dhe zotohen të punojnë për mirëqenien e qytetarëve

Kreu i Komunës së Mitrovicës Veriore, Erden Atiq, ka bërë të ditur se e ka vizituar sot kryetarin e Komunës së Leposaviqit, Lulzim Hetemi.

Atiq ka shkruar se kanë pasur një diskutim produktiv dhe se kanë rënë dakord që ta intensifikojnë bashkëpunimin për të përmirësuar mirëqenien e qytetarëve.

“Kryetari i Komunës së Mitrovicës Veriore, Erden Atiq ka vizituar sot kryetarin e Leposaviqit z. Lulzim Hetemi. Gjatë diskutimit produktiv, ata ranë dakord të intensifikojnë bashkëpunimin dhe të punojnë së bashku për të përmirësuar mirëqenien e qytetarëve”, ka shkruar Atiq.

Atiq dhe Hetemi kanë dalë kryetar komunash nga një proces i rregullt zgjedhor, megjithatë atyre në vazhdimësi iu është kontestuar legjitimiteti për shkak të daljes tepër të vogël në zgjedhjet lokale për 4 komunat veriore.

Veriu pritet të shkojë në zgjedhje të reja dhe “Lista Serbe” ka konfirmuar se do të marrë pjesë. Megjithatë mbetet e paqartë se si do të procedohet me udhëzimin administrativ për çështjen e shkarkimit të kryetarëve të zgjedhur, pasi sulmi në Banjskë ka ndryshuar jashtëzakonisht situatën dhe rrjedhën e ngjarjeve.