Sport Ndërkombëtar

Hazard po e shijon futbollin përsëri

Eden Hazard

Kaloi periudha tejet të vështira me lëndime e qëndroi në stol.

Por, buzëqeshja është rikthyer përsëri në fytyrën e Eden Hazard.

Sulmuesi belg – ka shënuar golin e parë – që nga muaji janar i vitit 2022 – me fanellën e Real Madrid.

Numri 7-të u inkuadrua në ndeshjen ndaj Celtic – në minutën e 60-të – pasi Karim Benzema u lëndua dhe arriti të lë shenja në fushën e gjelbër.

Madje, Hazard e regjistroi edhe një asistim për Vinicius Jr – duke dhënë sinjale që po rikthehet në formën e tij të vjetër.

Këmbëshpejti kishte zbarkuar në “Santiago Bernabeu” në vitin 2019, por për shkak të lëndimeve të shumta – nuk ka mundur ta tregojë klasin e tij.

Ai ka kontratë me “mbretërit” deri në vitin 2024 – dhe në “Transferkarkt” vlerësohet 10.8 milionë euro.

Eden – ka një karrierë të pasur, ndër të tjera e ka fituar Premierligën dhe Europaligën me Chelsean – teksa me madrilienët e “rrëmbeu” edhe veshgjatën.

Kjo paraqitje e 31 vjeçari jep shpresa edhe për tifozët e kombëtares belge – në prag të Kampionatit Botëror “Katari 2022”./Shqip.com

Shqip.com
Çmimet e derivateve në Kosovë Çmimi maksimal i lejuar për secilin produkt të naftës.
  • Dizel: 1.58
  • Benzine: 1.34
  • Gas: 0.75
Sot : 24/09/2022