Haxhiu: Reflektimi i deputetëve për Trustin është i domosdoshëm
Deputeti i Partisë Demokratike të Kosovës, Bekim Haxhiu ka thënë se së shpejti nisma për tërheqjen e 30 për qind të Trustit do të kalojë në Kuvendin e Kosovës.
Përmes një postimi në Facebook, Haxhiu tha se reflektimi i deputetëve për këtë çështje është i domosdoshëm.
“Ne mbledhjen e sotme te Komisionit Parlamentar për Buxhet dhe Transfere kaloi Nisma Legjislative për Trustin. Së shpejti kjo nismë do të votohet edhe në Kuvend ku qytetarët presin votën Pro. Reflektimi i deputetëve për këtë çështje është i domosdoshëm në këtë kohë krize dhe inflacioni”, shkroi Haxhiu.
Sot gjatë ditës, Komisioni për Buxhet, Punë dhe Transfere, ka miratuar kalimin e propozimit për tërheqjen e 30 % të Trustit.
Lidhur me këtë propozim kanë votuar nëntë deputetë, ku prej tyre katër ishin për, tre votuan kundër dhe dy abstenuan.
Trusti kalon në Komision, shkon në Kuvend – SHQIP.com
Pas këtij votimi, projektligji shkon për në Kuvend ku do të shihet se a do të kalohet nga ana e deputetëve të Kuvendit të Kosovës.
Lajmit për kalimin e propozimit për tërheqjen e 30 % të Trustit ka gëzuar shumë qytetarë.
Ngarkesa të shumta, faqja e Trustit bie nga sistemi – SHQIP.com
Kërkesat e mëdha e tyre, ka bërë që webfaqja e Trustit të bie nga sistemi.
/Shqip.com