Haradinaj: Qeveria s’ka plan për pandeminë e as për ekonominë
Shqip
Kryetari i Aleancës për Ardhmërinë e Kosovës, Ramush Haradinaj, ka thënë se Qeveria e Kosovës s’ka plan konkret për pandeminë e as për ekonominë.
“E kemi theksuar edhe në konferencën për media për temën e Ekonomisë, që pakoja e ashtuquajtur e ‘Ringjalljes’, nuk e ka as fokus e as qëllim ekonominë”.
Me masa tërësisht sociale, kjo pako ka të vetmin qëllim ringjalljen e votuesve, të cilët për pak muaj e kanë kuptuar që kanë votuar për mashtrim”, ka shkruar Haradinaj në Facebook.
Ai theksoi se sektori privat është në vështirësi dhe kërkon intervenimin direkt direkt për rimëkëmbje nga shteti.
“Pavarësisht që para nesh janë zgjedhjet lokale, është nevojë emergjente të merremi me ekonominë. Në të kundërtën, shteti, komunat dhe qytetarët do t’i vuajnë pasojat për shumë vite të ardhshme”, ka thënë Haradinaj.
Qeveria e Kosovës, ka vendosur për shtesa të fëmijëve dhe grave lehona.
Këto në kuadër të pakos për “Ringjalljen Ekonomike” e disejnuar nga Ministria e Financave, Punës dhe Transfereve. /Shqip.com
