Haradinaj: Arritjet tona si shtet i kemi falë bashkëpunimit me ShBA-të

Kryetari i Aleancës për Ardhmërinë e Kosovës, Ramush Haradinaj, ka pritur në takim Amy English këshilltare speciale e senatores amerikane, Jeanne Shaheen.

Kështu ka bërë të ditur vetë Haradinaj përmes një postimi në Facebook.

“Takova znj. Amy English, këshilltaren speciale të senatores amerikane, znj. Jeanne Shaheen. E falënderova për angazhimin dhe kujdesin e Shteteve të Bashkuara të Amerikës, veçanërisht në këto rrethana jo të lehta për vendin”, ka thënë Haradinaj.

Haradinaj ka thënë se arritjet e deritanishme si shtet i kemi falë bashkëpunimit me aleatët tanë, me ShBA-të në veçanti.

“Me znj. English bashkëbiseduam për zhvillimet aktuale në vend dhe e informova për shqetësimin tim dhe të Aleancës për veprimet e pakoordinuara te Kryeministrit në veri dhe dobësimin e aleancës tonë me ShBA. Gjithashtu e informova për qëndrimet e Aleancës për depërshkallëzimin e situatës në veri të vendit”.