Guardiola e konfirmon qëndrimin e Bernardo Silvas në “Etihad”
Shqip
Pep Guardiola ka konfirmuar se Bernardo Silva do të qëndrojë në Manchester City pasi ylli portugez u lidh me një largim nga Etihad.
Barcelona është lidhur me një lëvizje për Bernardo pasi investoi shumë në skuadrën e tyre gjatë gjithë verës, ndërsa raportet e fundit pretendojnë se Paris Saint-Germain ka bërë një lëvizje prej 60 milionë funte në fund të dritares.
Megjithatë, trajneri i Cityt tha në një konferencë për shtyp përpara ndeshjes së së shtunës me Crystal Palace se klubi nuk kishte marrë asnjë ofertë me pesë ditë deri në mbylljen e afatit kalimtar.
“Ai do të qëndrojë këtu, absolutisht”, tha Guardiola. “Ne nuk patëm asnjë telefonatë nga asnjë klub në lidhje me Bernardo Silva, kështu që ai do të qëndrojë”.
E ardhmja e Bernardo ka qenë një nga çështjet e pazgjidhura për Cityn në afatin kalimtar dhe tani nuk ka gjasa që të ketë ndonjë hyrje ose dalje para datës së fundit./Shqip.com
