Grenlandën e karakterizojnë temperaturat më të ngrohta në një mijë vitet e fundit

Shkencëtaret janë duke shpuar akullin në brendësi për të parë dhe analizuar se si ka ndikuar klima në Grenlandë për gjatë viteve.

Pas disa viteve të hulumtimit mbi akullnajat e Grenlandës është konstatuar se kohëve të fundit temperaturat kanë qenë më të ngrohta duke i krahasuar në një mijë vitet e fundit.

Krahas kësaj, shkencëtarët zbuluan se në mes viteve 2001 dhe 2011, temperature ishte 1.5 gradë më e lartë se sa në shekullin e kaluar.

Autorët e raportit thanë se ndryshimi i klimës i shkaktuar nga njeriu luajti një rol të rëndësishëm në rritjen dramatike të temperaturave në rajonin kritik të Arktikut, ku shkrirja e akullit ka një ndikim të konsiderueshëm global.

Autorja kryesore e studimit, Maria Horhold tha për CNN se Grenlanda është kontribuesja më e madhe për rritjen e nivelit të detit.

“Grenlanda është kontribuesja më e madhe aktualisht në rritjen e nivelit të detit Dhe nëse vazhdojmë të vazhdojmë me emetimet e karbonit siç bëjmë tani, atëherë deri në vitin 2100, Grenlanda do të ketë kontribuar deri në 50 centimetra në rritjen e nivelit të detit dhe kjo do të prekë miliona njerëz që jetojnë në zonat bregdetare”, tha Horhold.

Stacionet e motit përgjatë skajit të akullnajave të Grenlandës kanë zbuluar se rajonet e saj bregdetare po ngrohen, por kuptimi i shkencëtarëve për efektet e rritjes së temperaturave atje kishte qenë i kufizuar për shkak të mungesës së vëzhgimeve afatgjata.

“Nëse doni të thoni diçka për ngrohjen globale, duhet të dini se cili ishte ndryshimi natyror përpara se njerëzit të bashkëveprojnë me atmosferën. Për këtë, ju duhet të shkoni në të kaluarën, në epokën para-industriale, kur njerëzit nuk kanë emetuar dioksid karbonin në atmosferë.”

Para se njerëzit të fillonin të lëshonin gazrat e karburantit fosil në atmosferë, temperaturat afër 32 gradë ishin të padëgjuara në Grenlandë. Por, kërkimet e fundit tregojnë se rajoni i Arktikut është ngrohur katër herë më shpejt se pjesa tjetër e planetit.

Sipas NASA-s, Grenlanda mban akull të mjaftueshëm, saqë po të shkrihej e gjitha, mund të ngrinte nivelin global të detit me rreth 24 këmbë.