Greenwoodit i vazhdohet masa e lirimit me kusht

Mason Greenwood i Manchester United, i cili u arrestua me dyshimin për përdhunim dhe sulm në janar, do të mbetet në lirim me kusht pas seancës gjyqësore.

Sulmuesi 20-vjeçar u arrestua pasi imazhet dhe videot u postuan në internet dhe gjithashtu u mor në pyetje me dyshimin se kishte kërcënuar për të vrarë.

Lirimi me kusht i tij duhej të skadonte në prill, por u zgjat pasi Policia e Mançesterit aplikoi në gjykata.

Ai u zgjat më tej pas një seance dëgjimore të enjten.

Duke konfirmuar zgjatjen e lirimit me kusht, një zëdhënës i GMP tha se nuk do të jepeshin përditësime të mëtejshme derisa të ngriheshin akuza ose lojtari të lirohej pa u përballur me veprime të mëtejshme.

Brenda disa orësh pasi akuzat u shfaqën në internet, sulmuesi, i cili ka bërë një paraqitje për Anglinë – u pezullua nga ndeshjet dhe stërvitjet me Manchester United deri në një njoftim tjetër.

Nike i ka dhënë fund marrëveshjes së sponsorizimit me futbollistin dhe Electronic Arts e ka hequr atë nga skuadrat aktive në lojën e saj Fifa 22./Shqip.com