Google paralajmëron miliona përdorues të Android

Google po u kërkon përdoruesve të Android që të përdorin një aplikacion të veçantë që mund t’ju mbajë të sigurt në internet.

Është i disponueshëm falas në telefonat Android dhe mund t’ju shpëtojë nga sulmet shkatërruese të hakerëve.

Funksioni quhet Google Play Protect dhe funksionon përmes Google Play.

“Përdorni Google Play Protect në mënyrë që të mbani aplikacionet tuaja të sigurta dhe të dhënat tuaja private,” shpjegoi Google.

“Google Play Protect kontrollon aplikacionet dhe pajisjet tuaja për sjellje të dëmshme.”

Funksioni kontrollon aplikacionet për të parë nëse ato janë të sigurta përpara se t’i shkarkoni – dhe shumë më tepër.

Për siguri, GOOGLE rekomandon që të mbahet gjithmonë aktiv.